جارى التحميل
استخدم زر ESC أو رجوع للعودة
الرجاء لرجال عدم الغضب
بس بفكرة فكاهية وهذا ايضا تعليق على الامثال التى تقال ولم يحدد معنى لها
من مناقشات قعدة الحريم زمااااااااااااااااااااااااااااااااااااان من حوالى 60 سنة
وقفت الست بهية على كوم عالى من القش فى الجرن؛ وبدأت تخطب وسط الحريم فى المرصوصين على المصاطب
وقالت بيقولوا على رأى المثل (ضل رجل ولا ضل حيطة)
يأختى بلاوكسة
وبدأت الخطبة
بذمتكم عمركم سمعتم عن حيطة تقعد تشخر طول الليل ومتخلكيش تعرفى تنامى؟
ولاحيطة تدخل من باب البيت تجعر عايزة الغداء وبعدين تطين عيشتك علشان الملح طلع زيادة فى البامية!
ولايمكن ترجعى البيت فى يوم تلاقى الحيطة بتبوس الشغالة
طب شوفتى حيطة تملاء ليكى سقف البيت دخان وأرضيتة سبارس!
ولا حيطة تتنك عليكىوتقول لكى أنتى رايحة فين وجاية منين
ولاحيطة تدوخك وراها علشان تشوفى هو بيكلم مين فى نص الليل
طيب الحيطة معروف مكانها دايما أنما المحروس يدوخك وراه علشان تعرفى هو سهران فى أنهى ........... داهية
قال اية عندة شغل!
بذمتكم فى حيطة دايما تحاول تطلعك غلطانة فى كل كلمة تقوليها علشان تثبت للعيال أن الحيطة بتفهم أحسن منك
ولاحيطة تلوى بوزها وتقعد بالفانلة لما أمك تيجى تزورك وتحبك معاها تحكى نكت عن الحموات
ويعمل ودن من طين وودن من عجين دى حتى الحيطان ليها ودان
ياشيخة بلا قرف الحيطة أجدع على الاقل مش هاتتحبسى لو فاض بيكى ونفذتى حلم كل الستات
ودقيتى فى ........... الحيطة مسمار
وصفقوا كل النسوان وهتفوا هتافهم الخالد:
قطيعة تقطع الرجالة و.............سنينهم
ولم خف الهتاف والتصفيق ردت ستوتة بعد مصمصة الشفايف
بس يابهية يأختى برضة فية شبة كبير ساعات كدة تحسى أن الرجل زية زى الحيطة تمام
وأضافت سنية وهى مشمأنطة:
طبعا الرجل زى الحيطة ماعندوش عواطف وعمرة مانطلع منة لفتة رقيقة يعنى الراجل الحيطة دة
لوحالتة حالة من الرقة هيبقى أية يتحول الى لوح؟
ولما تيجى تدلعية تقولى لة: يالوح قلبى؟
حزنى على الصابر جعلنى أفكر أن نعمل لاخرتنا ولانكتب كلمة ألا فى الخير
ساحة النقاش