المركز الخامس عشر مكرر كمال كرباش مصر عن قصيدة حروف من اﻷلم
حروف من اﻷلم """
لما بحس أنى أنا مخنوق
ومليون حاجه محوطه
من كل أتجاه
وتيجينى لحظة ضيق وزهق
حتى كمان من نفسى
بحاول أبعد
من كل اللى حوالياى
وأمسك قلم
وأقول أكتب من جوايا
حروف من اﻷلم
وتخرج أنفاسى بصوت
وتنهيده
من بعد شهيق
ولو قدامها ورق حاتحرقه
وأحس كأنى شايل جبال الهم
مع أنها مش مستهله
بس الحياه معادتش متحمله
وﻻ سهله
المشكله لما تبقى عارف
أنك مش لوحدك فى الحياه
وكل واحد وعنده كام مشكله
وبيشتكى منها للى يعرفه
وللى حتى مايعرفه
وفى كل أتجاه
وتحاول أنك تصبره
وتقوله خلى عندك أمل بالله
وأسأل نفسى
هو المسكن اللى بوصفه
وأعرف أنه بيفيد
بيتاخد منه كام معلقه
طب أحنا كمان
ﻻزم تكون قلوبنا
متعلقه بالله
وياريت نعرف أنها لحظه
وبقدرة ربنا بتنتهى
وﻻ يبقى اﻻ الله
أيه يفيدك
لو كل الناس حواليك
وربنا كاتب عليك قضائه
حاتفر منه !! حا تروح فين
ده كل شئ
بيتم بحكمته وتدبيره
عشان لما تضييق
نبقى نسعين بالله