المركز الخامس عشر مكرر وليد الاصم السودان عن قصيدة بعد فرقتنا
بعد فرقتنا ديك والكااان بعد شوق السنين الطال
بعد كملت دموع العين وماتت أجمل الاماااال
تجي وتسأل وطاري الريد سؤالك ما خطر في البال!
كأنك ما النسيتني زمان ولا الضيعتا أجمل فال
تطل عينيك علي بالشوق وشايلة معاها ألف سؤال
تضم ايدك علي إيدي وتسأل انت كيف الحال؟
أضم شوقك قبل عينيك ورعشة ايد وبسمة فال
وحات قصتنا والاشواق وحات دمعا نزل هطال
وحات أحلام بنيتا معاك وراحت زي مني الاطفال
وحات ليلا طول بالشوق وحات عمرا قصر أهوال
بعدك انت مات الريد بقيت بين القلوب رحال
أقللب في صحف ذكراك طاري هواك طاري الفال
يلوح في الضلمة نور عينيك يبدل قلبي حال لي حال
يجوط خاطر الكلام والقول وأفتش لي حروف تنقال
خلاصة القول واخرو هواك "بعدك برضو ماشي الحال