المركز الرابع مكرر دكتور / احمد عبد الرحمن مصر عن قصيدة اقتح عنيك
اقتح عنيك
..........
فتح عنيك
الصبح شقشق ع الشجر
ومافيش ضجر
لو يوم تسلم للقدر
وتمشى نحو النور
وتخطى الحفر
راح تنتصر
اياك حتقعد تنتظر؟
يرجع عمر ؟
انت عمر
لويزأر الوجدان تنهد الجدر
لو تخلى نفسك م الهوى
لو تبتسم رغم النوى
لو يوم خدودك
من دموعك تنكوى
ارفع ايديك
نحو السما يابلسما
داوى الجروح
ف قلوب البشر
اوعاك تنافق للغجر
اوعاك تسلملى الحجر
اصل الحجر
ومعاه طيوره بتنتشر
تلقى الطغاة سكنة الحفر
أو ابرهة
والفيل معاهم منكسر
يامنتظر
ريح القدر
كفك ضعيفة ؟
جبته منين هذا الخبر ؟
هو انت ناسى ميسرة ؟
ولا المثنى المعتبر ؟
انهض وقوفك م القدر
انت القدر
فى عنيك بعون الله
تتجلى العبر
قوم وانتشر
املا كل الليل ضياء
انت القمر
وابعت خيوطك للبشر
ضوء شمس راجعة
من سفر
تلقى البيبان اتفتحت
ودموع فرحنا اتبسمت
وأهات قلوبنا اتنفست
شدو البلابل والوتر
والكل ماسك حبل نور
يحضن ويهمس بالدرر
انت الكرامة
ع الوجه شامة.. والغرر
فتح عنيك
تلقى كل الدنيا نور
متقلش اعيانى البصر
الزرع اخضر فى الغيطان
فل وريحان
ريحة جناينك تزدهر
فتح عنيك
الصبح شقشق ع الشجر
واجن الثمر
متقلش مر
متقلش غصنوا بينتحر
متقلش ايدى بتنجرح
من كتر شوكه
هى النجوم تئذى القمر ؟؟؟؟
ولا الملايكة سيدى
ضد البشر ؟؟
