المركز الثالث ايمن ادريس مصباح (ضياء_الادريسي) مصر عن قصيدة ام الرجال

" ام الرجال "
كل المعاني ف اسمها ام الرجال
لازم نجدد عهدها لو كان محال
ام العرب ام التقافه والأدب ام التفرعن
والغضب ام الذهب ازاي يدنسها احتلال !!!
بانت فى ‫#‏ناصر‬ ف النضال ظهرت
ف ‫#‏يوسف‬ ف الجمال
كانت عصاة ‫#‏موسى‬ الكليم
كانت مازالت شئ عظيم
والدنيا تشهد فى القتال
بنموت عشان حلم الخلود
وسط الميدان
فوق الحدود والموت فداها
لا يبقى موت تبقى " الشهادة "
ف حبها كل المعاني
ف اسمها ام الرجال
قالت بحبك للصغير والكبير
ضحكت فى وش الكلب و
ف وش الأمير
قالت سلام رغم
التسول والزحام
قالت كلام أكبر حرام
بين المعارض والنظام
مات الفقير لازم يعيش
فينا الضمير
نعدل مابين إبن الوزير
وابن المواطن لو غفير
اما الجبان زي الضرير
واخرس كمان ديمآ مهان
ساكت برغم الحق بان
والدنيا غاب عنها الأمان
وبلدن آمن بربها
كل المعاني
ف اسمها ام الرجال
ام الزعامه وابنها حامي الكيان
ام الطهارة وأرضها أمن وآمان
أم الهرم أم العرب أم العجم ام الشعوب
أم الأمم ام العجاف ام السمان
أرض الغنى وقارون بيحمل اسمنا
سيف الهلاك فرعون
هناك لساه مازال عبره
لنا يارب وحد صفنا
نكتب تاريخها بدمنا
وسط الميدان الحب نبت
ف ارضها
فرض وحلال
كل المعاني ف اسمها
أم الرجال
مليون جواب قبل السؤال
رفضت تعيش بين الجدال
ام النواطير الكرام
دفنت شعورها بالحلال
لما الحرام أصبح قانون
واما الكلام اصبح محل الاتهام
ام الشعوب جنب النظام
ممكن نتوه بين الزحام
خارج حدود الإلتزام
كافر وفاجر لو إمام
قال السلام شرعآ حرام
دفنت وسام الإحترام
سنت سيوف الإنتقام
بين التشيطن والأنام
قالت بحبك للنظام
علشان نعيش لو كان مافيش
نحفر قناة جنب القناه
نصنع من الخوف الحياه
نبني الأمل فوق السحاب
نرفض سنين هم وخراب
لما الجزاء سيف العقاب
واما الحبال فوق الرقاب
دفنت ولادها فى التراب
قالت حدود خير الجنود
قالت كيان عدل وآمان
قالت كمان ان الرهان
ع الدم عار ضحك النهار
والليل كئيب وحاجات كثير
عملتها عيب قسمه ونصيب
دفنت شعورها بالطبيب
زاد المرض ولا حد يقدر يعترض
دفنت شعورها بالجميع
خافت تضيع
" ام الرجال "
ام الهلال ام الصليب
ام المزارع والخطيب
ام الأديب ام الطبيب
الدنيا تعرف قدرها
والنهر جاري ف ارضها
بنموت فداها وحبها
إحساس غريب الموت
فداها حقها
" بلدي الحبيب "
ببعث رسالة لشعبها
الحب نبت ف أرضها
لازم نجدد عهدها
لازم نوحد صفها
مصر السلاح المنتصر
حصن الأمان وقت الخطر
مصر اللى لازم _ تتذكر " "
" دنيا الجمال "
" " كل المعاني ف اسمها " "
" ام الرجال " "
::::::::::::::::::::::::::::::::::::::::::::::::::::::::::::::::::::::::::::::::::