المركز الرابع مكرر سامح لطف الله مصر عن قصيدة قلبي البكر

قلبي البكر
قلبي البكر خدشته
منِّي ف لحظه نتشتُه
بكف الإيد وكبشته
ورد وفل فرشته
واتربعت عليه
إدَّاك كل براحه
سكنت فيه أفراحه
تعشق ليه أتراحه
تفرح ليه لجراحه
ولا بتسمِّي عليه
قلبي البكر خدشته
واتربعت عليه
أول لمسة لإيدي
نبض وشوق في وريدي
صنتك زي وليدي
جوة الجفن يا سيدي
واتكحلت عليه
قلبي البكر خدشته
واتربعت عليه
يوم مارحلت خطفته
دم القلب نزفته
دمع عيوني ذرفته
من غير كلمة خسفته
يبكي عليك وعليه
قلبي البكر خدشته
واتربعت عليه
نعمة ربي أنساك
أنسي الشوق وهواك
وارجع تاني ملاك
وأخرج برة سماك
والعن حب انا شفته
واندم ولا أبكيه
قلبي البكر خدشته
واتربعت عليه
جاية الدنيا لقلبي
حب يطوف ويلبي
يرجع نبضي لقلبي
واعلن إن دا حبي
اللي هدوب ف هواه
قلبي البكر خدشته
ومااتربعت عليه