مش مهم تبقي فاكر ...
او لخيري تبقي ناكر ..
او لذكراي الجميله..
طول الليل سهران تذاكر
هو من إمتي الحنان كان مدون ف الدفاتر
لكن إفتكر كم مره
سقتني كاساتك المره
ولامره صعبت عليك
وانا ساكته
واداري الدمعه في الضحكه
عشان أرضيك
وبصبر واقول بكره بحنيه
تشفني عنيك
سنين مرت
بافراحها واحزانها بحايل فيك
ولو كان الصخر بيرق
كان صدرك من حناني دق
لكن ياخساره غلبت أنا فيك
وشبعت من ظلمك
وقسوة قلبك غلبت أداويك
انا خلاص فاض بيه
وبحق الدمعه ف عنيه
ماهبقي عليك
ومش مهم تبقي فاكر ...