لعبة قمار .. تغريدة للمبدع / أحمد بيومي
♥ ♥ ♥ ♥ ♥
ما تزعليش يا حبيبتي ..
لو شوفتيني في يوم بأبكي ..
والله الدموع دي غصب عني ..
ما الهموم زادت عليه ..
لما شفتك وأنتي مني ..
بتبعدي شويه شويه ..
وأنا عاجز .. إني احوشك ..
وإنتِ بتبعدي قدام عينيه ..
♥ ♥ ♥ ♥ ♥
ما أنا أكتشفت إن الزمن خد وهات ..
والحياة لعبة قمار .. لحظات فرح ..
وحزن كثير .. باقي الساعات ..
دنيا .. عايزه واحد قلبه مات ..
وعقله رافض للتمني ..
فسامحي قلب عاش جبان ..
تاه في دروب الزمان ..
♥ ♥ ♥ ♥ ♥
عمال بيحكي كان وكان ..
داير يدور في كل مطرح على الأمان ..
ناسي .. إن الزمن عاوز حسابه ..
ما هو كل شيء عنده ليه تمن ..
حتى الحب والحنان ..
وأنا راجل بعت كل حاجه .. وكان إللي كان ..
بعت راحتي .. بعت روحي ..
♥ ♥ ♥ ♥ ♥
وبسبب صراحتي ازدادت جروحي ..
وفي حياتي .. بعت حتى قلبي والقلم ..
بعت راحتي .. والسلام ..
صدقوني أنا كاتب أعلن وفاته ..
لما قطر الفرح عدى وفاته ..
حلمه مات لحظة ميلاده ..
ومفضلش منه غير شوية كلام ..
♥ ♥ ♥ ♥ ♥
تغريدة حب لمصر .. للمبدع / أحمد بيومي