الزمن 
الزمن عمال بيجرى
والكل بيقول لسه بدرى
بدرى عدا وراح
بعد ما شاف الجراح
من زمان يا ما كان
زى ما كان قبل الزمان
كان كله امان
وكمان طيبة وايمان
وناس سمر وجدعان
واقفين لشر اﻷيام
والخير فايض علينا
وكمان على كل الجيران
والصبح الطالع مشرق
بنوره على كل البيبان
والليل الساحر بييجى
بسهراته الحلوة ف رمضان
الزمن عمال بيجرى
والكل بيقول لسه بدرى
بدرى عدا وراح
بعد ما شاف الجراح
الشاعر المصرى:
وليد محجوب