غاب القمر
كلمات \ سحر جمال حبيب

ليه البعاد دايما بيرضىَ بجرحنا
فـ سكة سفر ماشين طريقها انت وانا
كلمة وداع فايتة المكان .. لكنما
لسة القلوب لابسها توب
جرح السنين
دمع الفراق كاتب خلاص ..
احزان نهاية
لــ قصته
دمعةً انين .. رافضة تسلم ..
للخضوع
رافضة تعيش .. ذل انكسار
رافضة تمـــوت ..
من قبل ماتشوف الشروق
قلبي العليل .. من بعدك انت
ملهوش دوا
اصل اللقا فى الجرح
للقلب الشفا
لكن قلوبنا .. فى الخيوط
متعلقة
بلحظة دفا
من تاني يرجع الامل
اصل الوداد ... ف الحب كان
هــو الحياه
بتكون تمام .. زي القمر
و هو لسة بيكتمل
حتى جماله .. زاد عشان
قرب الحبيب .. روي المكان
فجأه لقيت زاد الكسوف ..
حتى الخسوف
غطى ملامحي .. و السما ..
وقت احتياج القلب للنور .. انما
غــــاب القمر ..