مربعات علي الماشي ..

جنيه دخـلت في دارى ..
عملت زار لجل تمشي ..
قلبــتلي ليلــي نهاري ..
سرقت عيوني و رمشي ..

***
في الدنيا ياما بنقرا ..
القصص كتير و الحكاوي ..
لو كنت بكتب و بقرا ..
ما كنت وقعت في بلاوي ..

** ** **

الحب كاس و إشتريته ..
يا حبيبتي قومي إشربي ..
لو عن عيوني داريته ..
طب منه فين تهربي ..

** ** **

يا قلبي داري غرامك ..
البت لسه صغيرة ..
بكرة تكسر عضامك ..
لو بس تلمح دفيرة ..

** ** **

روحت لشيخ الأحبه ..
لجل يداوي جراحي ..
فسقاني من الحب حبه ..
حبسني ما أطلق صراحي ..

** ** **

حبيبتي ساكنه العالالي ..
و أنا إيدي لسه قصيرة ..
أنا قولت لقمري و هلالي ..
ماملكش غير الحصيرة ..

** ** **

كتبت علي قلبي هبيعه ..
و إستنيت يجي مشتري ..
لو عشت مرة ربيعه ..
ما كنتش عليه أفتري ..

** ** **

بيني و بينك حكاية
شاهد عليها الخلايق ..
معاكي لحد النهاية
لو حتي قامت حرايق