جارى التحميل
استخدم زر ESC أو رجوع للعودة
(قــمــر غـــمّــــــاز !!)
**************
شعر:احمـد عفيفى
**************
الطيش رمانى ف بحرك العـاتـى
ف بـحـــرك الـلـى م لـوهــشـى,
قــــرار , ولا شـــط , ولا ديّـــــــه
وقــــــالـلـــــى:
يـابحّـار , يـافـلايـكـى , يـانـواتـى
ان كنت غاوى العشق والـغـيّـه
إن كنت أدّ الهوى,إرمى الشبَك!
قـلـبـى ارتـبــك
ده انــا نـبـضــى لـسّـه -مجــــاز-
وعـاوز يـرتـقـى!
***
وحيـاة عـنيـكـى,
اللى ف سمـاهـا الـفُـسـدقـى,
شـــــايـــف..قـــمــــر غـــمّـــــاز
انـا لـسّـه دايــخ مـن يـومـيـهـــا
وكل م امـشى ف اى جـيـهـــه
بشوف عنيكى زى عـصفـورتـين
بينقّروا ف روحى
***
من هفوه واحده بتقفلى البوغاز
مـن هـفـوه واحـــده تــدوســى
ع السوسـنــه؟
***
وبقيـت مـواسم للـضنـا , وأمثال
عشرين غزال بـيـطـبّـبـوا روحى,
ويشاوروا ع -الزاجل- وع القمـر,
الـمُـــوالــــس!
***
وحيـاة عـنيكى اللى ف غرامهـا
بـقـيـت:مـسجـــون , وحــــارس
انـا لـسّـه حـاسِـس بالـهـوى ف
قلبك..وحابس لوعتى ف الكاس
***
عشرين غزال بـيفـتّـشـوا الغـيّـه
على فرد -زاجِل-, شوفته بعنيّـه
انـا لـسّه فـكـر غـمـزتـه..لـيـكى
***
وحياة عنيكى اللى ف سمــاها
لـقـيــت ..قــمـــر .. مُـنـحـــــــاز
لأخـطّـى أىّ بـوغـاز , وأفُضّ كل
الشّبـك , واشبُـكلِـك الالمـــاظ!!
مع تحيات جريدة أخبار نجوم الأدب و الشعر
رئيس مجلس الإدارة ورئيس التحرير الشاعر / خالد بدوي