ما بين كاب ونقاب
والله متبهدل
كله يعشمني
الحال هيتعدل!!!!!!!
ودخلوا في صراعات
وحكاوي واتهامات
ضحكوا عليا والحكايه
ببساطه ... خد وهات
وانا حالي متنقدل
يا اخوانا يا بهوات
يا اللي مختلفين
سيبولنا احلامنا
دفنينها ليه ف الطين؟!!!
احنا بشررررررررررررر
عايشين
والله مش اموات
اللعبه باينه
والله مكشوفه
والقصه من اولها
واضحه ومعروفه
واضحه وباينه وحقيقه
ان الدوله العميقه
ع الحكم ملهوفه
واخوانا بتوع ربنا
موقفوش جنبا
طلعوا فاشلين
وهو الفشل ذنبنا ؟!!!!!!!!
كلمه للاتنين
لازم يكونوا سامعين
خدوا ما يكفي
ليكم ولعيالكم
وارحلوا عننا
انتم واعمالكم
الجن الحقاني
من قمقمه جالكم
وناوي والله ناوي
يطردكم انتم ...الاتنين

سيد صادق