[ حاولت أعدي الحدود ]

*******************

حاولت أعدي الحدود قالوا مينفعشي

جواز سفرك محدود هتروح مترجعشي

ويمكن تكون مفقود تغرق متطلعـشي

هو إنت فاكره وطن ممدود ولا مابتفهمشي

ده العدل فيه موؤد والحق ليه مغشي

خليك في وطنك مربوط تخرب ... متخربشي

 ولو صرخت بأعلي صوت والله متفرقشي

ده الغصن شايل ورورد من شوكه منزفشي

 ياما عاشوا قبلك أسود رجاله متخفشي

وقفوا في وش الموت إزاي متعرفشي

وسا فروا بين الحدود بجواز سفر ممدود والختم منشفشي