‏‎‎‏

إهداء إلي روح ضابط الشرطة شهيد الغدر و العار و الارهاب ..

كان قلبي لسه عريس .. صابوا الرصاص بالكوم .. وقت الصلاة و الصوم .. و أصحابي في السكة .. قاعدنلي علي الدكة ... مستنيين الدور .. يستشهدوا زي .. أصل الشهادة وسام .. لجواز سفر مختوم .. بيودي للجنة .. و أنا إيدي لساها .. منقوشة بالحنه .. و الدم غطاها .. بس الأجل محتوم .. و أنا زي ألف شهيد .. ماتوا في ليلة عيد ... صابهم رصاص الغدر .. يا مصر ليلك بدر .. فارش علي سينا .. و أحلف بعهد الله .. لا عمرنا رضينا .. في يوم نطاطي الراس و لا مرة وطينا ... يا أم ما تبكيش ..حق الشهيد راجع .. دا الموت شرف لينا .. لجل البلد ما تعيش .. و انا روحي ما تكفيش .. رد الجميل ليها .. حتي الرصاص مردود .. علي إلي ضرب بالنار .. حقي في يوم هيعود .. و هخدوا في الجنه .