‏‏

حبوا بعض
حبوا بعض بكل صدق
والقلوب تصفي بحق
أنشروه خلوه رسالة
لو في غرب أو في شرق
الحياة من غير حنان
زي فم بدون لسان
والمعيشة تبقي فاترة
لو مفيش حب وأمان
حبوا بعض بكل قوة
متخلوش ما بينكوا هوة
وروا كل الناس في لحظة
الشهامة والمروة
حبكم هيعود عليكم
خيركوا يبقي منكوا فيكم
ما في حد في الحياة
يقدر يعتدي عليكم
عارفين لما تحبوا بعض
وتخلصوا للطين والارض
كلكم هتشوفوا سعد
وربنا يرضي عليكم
شعر / آسر طرباي