{{ على عيني }}


على عيني .. يا نورعيني
دا لو قلبي ومنك .. انت يحرمني
على عيني .. حبيبى يوم ما بتجيني
وابعد حضنى عن حضنك
و اهرب فين ؟! .. دا مهما اهرب
بلاقى قلبي راح يعطف
دا لو حسيت تناديني
اداري حنيني بالعافيه .. على عيني
و اشوفك .. قلبى يمنعنى
يقوللي .. طب سيبيه يرتاح
سماح النوبه يا عينى
ونبعد .. بس جوايا
عشان شوقى اليه يكبر
دا شوقى ازاى حا يتقدر
وينساك قلبى لو لحظة
وخوفي عليك .. يخلينى كمان بهرب
واقول لازم خلاص ابعد
وبتمناك تكون بعدى
سعيد حتى مع غيرى
قريب و بعيد ماتفرقش
مادمت سعيد
و مهما يكون
ولا عمرك فــ يوم حاتهون
بلاها ظنون
وهو قلبي راح يقدر يعيش دونك ؟!
بدون انفاس
ولا .. احساس ..
لكن عقلى حسمها خلاص ...
ماهو مش كل احلامنا
لابد ياقلبى تتحقق
و لاحتى لاي كلام
حا تشعر بيه
تقوم تنبض وتتعبنى
خلاص اكتم .. دما جرحك
ولا تسمعش لو قالها بحبك يوم
كفايه انك بتشعرها
ولو قالها ..
اكيد حا يحسها نبضك
بدون حتى .. ماتعرفها
لكن .. بوعد
يا اغلى عندي من نفسى
انا لسه ..على وعدي
لكن .. خوفي
دا اكبر مني صدقنى
ولجل اوفى
انا جايه على نفسي
و انا قابله خلاص بُعدي
و راضيه باللى مقسوملى
برغم اللي
ماكان بينك و كان بيني
بقولهالك .. حبيب قلبى
على عيني ...

الشاعرة سحر جمال
11 \11 \ 2013