‏‏

(همس الصورة))

ــــــــــــــــــــــــــــــــــــــ
القلب مرسوم فى وجع
رافض يكن
والوحدة مرسومة بالم
والفرحة تايهة بين شجر
مبقاش يحن
والدمعة مكتومة بسكات
والكلمة وسط الامنيات
ضايعة ساعات
وهموم بتحكى ذكريات
والقلب لابيض فجاة مات
والوش دبلان وانقطف قبل المعاد
وبعيش حياتى كلها وحدة وسكات
الوحدة مرسومة بوجع
مبقاش يئن
واقف على شط بعيد
غرقان
والمائة بعيد وانت الحيران
وقف عالشط لكن غرقان
بتعد نجوم ضعفك وبكاك
والحزن فى قلب الليل خلاك
كما غصن ضعيف
مكسور وهزيل
الظلمة بترسم الونك
وتحدد رسمة ايامك
والكون حيران بيغنى حزين
كل المشاعر مبهمة
والدنيا صمتة ومجرمة
والوحدة مرسومةبوجع
مبقاش يئن
حتى الشجر مبقاش يحن
الفرع الاخضر بهتان
لونه اصفر جدا تعبان
ومفيش اوراق وسط الاشجار
من ضعف القوة وم الحرمان
والوحدة بتكسر الافراح
وانا حاسة بكتمة وسط براح
الكون شفاف بيشف الصورة
ويعكسها بس باوجاع
حتى السماء لونها بيتكلم
بيقول اوجاع
وبيرسم وسط سحابه الخوف
والمطر الخايف يوم ينزل
يرسم افراح
ويصحى الشجر الدبلان
يمسح من ورقه الاحزان
ويصالح قلبى التعبان
وهى دنيا وعايشين فيها وبس
بنعافر وسط الدمعة
بفرحة لكن مكتومة