فين ايام عمر ؟!
فينه ابن الوليد ؟!
كتاب مليان صور
مليان كتير و يزيد
يشهد علينا زمنا
هيروح منا هواننا
وهيطلع تاني منا
مليون مليون شهيد

كتاب ربك فيه وعد
والعهد بيبقي عهد
والعهد احنا نسود
يروح زمن المهانه
ونعلا ف المكانه
نرجع ونكون اسود
المسلم يمسح دموعه
والاقصي يعلن رجعوه
يطلع اسلامنا تاني
ويظهر للوجود

الاقصي بينادينا
نمد له ايدينا
بيصرخ يستجير
عدونا قصادنا
وغدره طال ولادنا
صغير او كبير
والدمعه اللي سالت
قالت وياما قالت
اتنين ملهمش تالت
يا النصر يا الشهاده
وده اجمل مصير

سيد صادق