‏الشاعر محمد الشاعر‏

قصيده من ديوان العاميه
بعنوان (المستحيل)
بقلمى _محمد الشاعر
__________________________
مخلوق جميل ..........لكن بخيل
ياحلم عايش للرحيل.
ياحلم ضايع مننا..راجع عليل
راجع تشيل الى اتكسر واللى اتحسر ..واللى انتصر فيك العويل.
حملك تقيل.
....................................................
فاهم أصول المسأله...خارج حدود المعضله
ماسك بإيده الصولجان
فارس نبيل..
حارس تقيل...سايب حدود المملكه من غير دليل.
فارش حكاوى فى الظنون ورد ونخيل.
وألف ليله وسلسبيل.
................................................
ياألف توهه فى سكتك يامستحيل.
ماشى خطاوى تثبتك...ترجع تميل.
ترجع تنادى فى غربيتى ...ليلى الطويل.
فين السبيل.؟؟...ياابن السبيل.
فين اللى خطى خطوتى...من ألف ميل.
شايل ذنوب اللى اتظلم
واللى اتحرم واللى غناهم كان عويل.
شايف ضحايا فى دنيتك...كام ألف جيل.
كام ألف نجمه فى السما من غير دليل.
ياسكة الحلم البديل.
ياسكة اللى ماابتداش....واقف ذليل.
ياسكة اللى ماانتهاش... راجع عليل.
زارع قساوه فى سكتك.
.من قسوتك كام يوم قتيل؟؟
كام كلمه ماتت فى الغيطان ؟؟يوم الحصاد المستحيل.
يامستحيل..
رافض خضوعى لسطوتك ....يامستحيل.
راضى بحلمى اللى اتسرق لو كان قتيل..
راضى بحلمى اللى اتسرق لو كان قتيل....
_________________________________
بقلمى(محمد الشاعر)