جارى التحميل
استخدم زر ESC أو رجوع للعودة
![](http://media.kenanaonline.com/photos/1238343/1238343235/large_1238343235.jpg?1383315555)
يــا بختهــا الــكــراريس
واسعة
خطاوى البرق ع السكة
والسكة ضي
مشدودة عيني لخطوتك
والخطوة مي
نزفت عيوني كام سما
مشويه شى
لما فاتتني مغّربه
ومسكت سلك الكهربا
ودخلت تلك التجربة
أصبحت حي
عسليه عين البنت
والدم ..مش ميه
الدم دم
والضمه مش تأثير تعب
الضمه ضم
والضمه مش تقليد
ومش ضمه وخلاص
الضمه م الإحساس
والضحكة مش لون الدهب
الضحكة ماس
نِزلت إِيدين البنت من فوق صدرها
يا بختها الكراس
كان نفسى اكون زيها
لكنها
باصه بعينها الناس
مخنوقة عيني بدبلتك
فقطعت صابعى الخنصر البنصر
كفى اليمين
طبطب على ضهر الشمال
يواسيه
فغار من الأيسر
مسروقه روحي لدنيتك
وانا اللى شيخ.. منصر
لما فاتتني خطوتك كالبرق ع السكة
عيني بقت فناجين
بتدلدق الدهشة .
مع تحيات جريدة أخبار نجوم الأدب و الشعر
رئيس مجلس الإدارة ورئيس التحرير الشاعر / خالد بدوي