جارى التحميل
استخدم زر ESC أو رجوع للعودة
لو تسمحي
كلمات \ سحر جمال حبيب
لما احضنك .. بنحس انك
مش خيال
و لا وهم ... يصرخ ....
م العذاب
لما احضنك .. ابقي اعرفي
الحضن .. ده هو الحياه
و اياكي مني تهربي
و تفكري .... لو من سكات
ده حلمي جواكي اتخلق
لسّاه جنين
جوة العيون الدبلانين
نازل بيصرخ م الانين
ازاي ف لحظة .. حا نبتعـــد
و الضمة بينا ... بتتولد
عايزاني اغرق ... ف الغرام
و انتي اللى عني ... بستخبي
جوة .... لحظات القلق
و الانتظار
لما الايدين
تتمد تلمس فــ الخدود
والقى الحدود سامحالى
احضن فــ الامل
اللى اكتمل
فى عنيكى انتى الملهمه
التلج يصبح ... فجأه نار
القلب يطلب يحضنك ..
ويحس شوقه بينفرط
يبدرلى حبات الامل
بالفعل عايز احضنك ..
مش كلمة .. لأه والسلام
لحظة كلام ..
اخطفها وانتى بتسكتى
ده حلم لكن .. مستحيل
الدنيا ليّه تحققه
راح نكتفى
بالحلم اللى بنحلمه
لو تسمحى
خلينى مره اكمله
حا استأذنك
و ادخل وانام ...
مع تحيات جريدة أخبار نجوم الأدب و الشعر
رئيس مجلس الإدارة ورئيس التحرير الشاعر / خالد بدوي