لسه بحلم زي عيل
نفسه يركب فوق حصان
يجري يسبق الزمان
يمسك النجمة بإدية
يحضن الحب بعنيه
لسه بحلم حلم عيل
أيوه عيل صدقيني
نفسي أندهلك تجيني
ترمي همك جوا حضني
تترسم صورتك في عيني
و أما أستعيل معاكي
إنتى بردوا إلي تبوسينى
أصلي عيل أيوه عيل
و في غرامك قلبي ميل
صدقيني
لسه بحلم زي عيل
نفسه يرجع و يلاقيكي
لابسة أجمل توب عروسه
يجري يخطف من
شفيفك ألف بوسه
يكمل الحلم في عنيكي
لسه بحلم زي عيل
زى فارس علي الجواد
جاي يخطف الأميرة شهرزاد
أهدي ليكي ألف ضحكة
و أبقي ليكي سندباد
اعبر البحر في عنيكي
لو ما بينا حدود بلاد
تلتقي قلبي يناديكي
رغم قلبي لسه عيل
لسه عيل ؟ أيوه عيل