يازوجتى ليه مانتفاهم
ليه هتقولى موش فاهم
حياتنا لازمها نتشارك
مانتخاصم مانتعارك
نفسى ولادى يتربوا
لا حسوا بهم وألا تعبوا
وأب وأم يتحبوا
موش أم خلول وأبو جلمبو
هوه علشان تساعدينى
يبقى تطلعى عينى
أنا لو مره قلت شمال
ألاقيكى تعاكسينى
ليه هتوقعى يمينى
لو قلتلك أنا جوزك
تقولى ملك ليمينى
أطاوعك ليه ماتفوقى
ده أبسط حق ف حقوقى
تكونى لصباعى الخاتم
و ف كرمى أكون حاتم
حقك حسن للعشره
ليكى الأصل موش قشره
ياستى خلاص أنا مسامح
ومن غيرك ما أكون فالح
تعالى تانى نحسبها
نتسامح ونتصالح