‏‎‏

أهداء إلي الطفلة مريم شهيدة حادث الوراق ب 11رصاصة

يا حلم عمري إلي إختفي يا شمع عمري إلي إنطفيبحق جاه المصطفي
لأفضل أذاكر جوا كتبك كل يوم و أصحي بدري و أروح حضانتك كل يوم و أكوي مريلتك بعيني كل يوم بس إنتي توعديني إنك تجيني في كل نوم
بكره هستناكي تيجي و أما يهل علينا عيد أشتري اللبس الجديد و أبقي سعيد و أنا داخل أوضتك مش هتنرفز تاني عليكي لما تكبي عصير علي فوتك بس تجيني يا حبه عيني و اوعي يا قلبي في يوم تنسيني .
ماما هنزلت تشتريلك بلونات و أنا جبتلك مصاصة مع غزل البنات و جبتلك كل الحاجات إلي شفناها سوا في الإعلانات يا حلم عمري إلي إتولد في يوم ما مات .
حبيبتي عروستك لسه مكانها و الدبدوب كنتي إمبارح لسه يا دوب بتصحيني يا حبه عيني عشان نتغدي يا أجمل وردة بس الوقت أهو ولا و عدا أخر أكل أنا كلته معاكي و أنتي في حضني و أنا وياكي و رحتي قابلتي رب كريم بس حبيبتي أنا هستناكيو مش هتغدي إلا ما تيجي هفضل قاعد ويا أخواتك هنرتبلك كل حاجاتك فرشه شعرك و فيونكاتك كتبك لعبك لبسك شنطة إيدك و إشرباتك .
هافضل قاعد جنب سريرك أعد صوبعك خمسه بخمسه يمكن تصحي تقولي إمبوووووووووووه يووووووووووووووووووه كل ما أفكر إني خلاص مش هسمع صوتك و إن ما فاتش ساعات علي موتك و إنك رحتي ومش رجعالي أقعد أبكي لوحدي في حالي علي إللي جرالي .
يااااااااااااااااااااه علي حب الوطن لما تكون بنتي التمن كنت لازم أدفعه و بنتي ملفوفه بكفن .