مساجلة شعرية ..... بعد التعديل
بين الشاعر عونى هشام ----الاستاذة قيثارة الامل
========= بعنوان قلبى اللى حبك من زمان
عونى هشام

انا قلبى حبك
وانتى قلبك ليه ما طب

قيثارة الامل

قلبى داب
فى حبك انت
وخطوتى وراك تدب

عونى هشام

اللى بينا حلم عمر
مش كلام
دا كان بجد
انتى قمرى
انتى عمرى
اللى راح
او حتى بكرة وبعد غد
ليه تروحى او تغيبى
وليه تعلى فى بينا سد

قيثارة الامل

قلبى داب
فى حبك انت
انت عندى كل املى
انت عينى ونورى منك
اوعى تظلم قلب حبك
اوعى تنسى اتوه فى بعدك
عمر قلبى ماحب غيرك
وانت عارف انت اية
انت عمر انا عشت بية
وانت حلم حلمتهولى
اصحى وارجع انام عليه

عونى هشام

هو حبك كان كلام
انتى حلمى فى المنام
انتى روحى
حتى روحى
ضاقت بنفسى
لما يوم قربت تاسي
انت ليه قاسيت عليا
وانتى عمرى من زمان

الزمان اسى عليا
وانتى اغلى من عينيا
انتى للعين ضى عينى
انتى نوارة المكان

قيثارة الامل

انت طول الليل فى بالى
اما بسرح فيك ومالى
احضن الطيف اللى شوفتة
او حتى مر
لحظة بخيالى
انت غيرت حياتى
انفجر صوتى بسكاتى
لو مر يوم من غير ما اشوفك
انتظر لحظة مماتى

عونى هشام

كان كمان بزيد فى حبى
حتى قلبى زاد بدقة
وكل دقة تقول سلام
والسلام ده طبع منى
واللى منى هو قلبى
وانتى قلبى بين ضلوعى
ازاى اعيش من غير حنان
والحنان انا شفتة منك
والبعاد كان غصب عنى
حتى ضى العين خاصمنى
كفاية ظلم كتير حرام

قيثارة الامل

انت حبى اللى فضلى
عمرى كله بعيشه بيك
كل دقة فى قلبى باسمك
الكلام شفته فى عينيك
والسلام اللى ما بينا
حسيتة من لمسة ايديك

عونى هشام

الامل حبك انت
والحنان انا شفته جتبك
لما نفسى كان فى حضنك
والعنين بتقول كلام

الشفايف فيها بسمة
والخدود حمار بورده
والايادى ترسم صورتنا
حتى صوتنا نبرة واحده
فى انسجام

قيثارة الامل

قولى اية هو الكلام
قولى اية معنى السلام
والكلام اللى فى عنيك
كله شوق وفيه وهيام
قولى اية معنى انى احبك
ازاى اعيش انا يوم فى بعدك
يا حبيبى انا حضن قلبك
حتى قلبى
يصحى طول الليل فى سيرتك
والمنام اخدك فى حضنى
والشفايف تبتسم
اتوه فى بحر عينيك وانام

عونى هشام

ليه بحبك
نفسى اقولك
انتى عمرى
وعمر تانى علبه كمان
نفسى اقولك
تاريخ ميلادى انكتب
من يوم ما شفتك
وانتى صورتك
جوة عينى
مهما اروح زاينة المكان

قيثارة الامل

انت قلبى والحنان
الحب والشوق قول كمان
هو حلم انا عايشة بيه
انت عمرى ذكرياتى
انت ماضى وانت آتى
انت حلم وبيك امان

عونى هشام

لما قلبى دف باسمك
والعيون سحرها رسمك
والرحيق اللى فى شفايفك
قطرة منه تروى قلبى
ولما اشوف نظرة عينيك
انسى نفسى وانا جنبك

قيثارة الامل

الامان مابين ايديك
والحنان كله فى عنيك
قلبى مش قاسى عليك
انا لسه بشم نفسك
وهبت عمرى كله ليك

عونى هشام

الغرام انا عشتة بيك
حتى قلبى سيبتة عندك
واللى عندك عمرى كله
لما اشوفك ما انام
ازاى انام وانتى جنبى
لما تتلاقى الشفايف
اما بتدوب العواطف
لما روحنا تبقى واحدة
انسى نفسى بين ايديك

قيثارة الامل

عملت لك سحر محبة
سحرت بية قلبك حبة
عشان تكون ليا واهواك
وافضل فى حضنك قلبى معاك
انا رهن اشارة وايه يرضيك
حياتى انت وباتمناك

تطلب حياتى اهى هدية
وانا عمرى يفديك دا شوية
خلاص حبيبى تعالى اوام
تعالى احطك فى عينية
=============