العلام العلام العلام
فهم مفيش حفظ تمام
يبقي فيه...
المثلث الثلاثيني
والقائم الزاويه كمان
ويقنعوك ان قيس
كان اصلا م الاخوان
والله ده حرام ف حرام
ناس تتخانق علي استيكه
وناس مشغوله بالمزيكا
واللي يقولك ابو تريكه
واخد مصر معاه لقدام
كل ده ف الفصل يا ناس
والمدرس مفيش احساس
المهم ان الكراس
يجي الحصه الجايه تمام
مش ف دماغه مستقبل مصر
مشغول بحاجات ملهاش حصر
مثلا يعني مدينه نصر
فيها الشقه تبقي بكام ؟!!!
وتيجي الفسحه واه م الحوش
تلقي الطلبه قلبوا وحوش
- يا ابني اهدي .. اهدي شويه
- يقولك لا .. ده زقوا عليه
واللي يعاكس البنات
واللي بيشتم ف الستات
راحه او جايه ... مبيخلوش
وبعد الفسحه النص هروب
اصل السور واطي ومعيوب
هي سنده علي كتفه زميله
ونط السور ... سنده يا دوب
ويطلع بقي يديها سجاير
والخسارة تجر خساير
واللي مسمي نفسه النمر
وابراهيم ابيض او طاير
وما بين ده او ده مصر ضاعت
مصر ضاعت اوي من ساعة
مهتمناش بالعلام
سيد صادق
نشرت فى 10 أكتوبر 2013
بواسطة qwertyuioasdfgh
أخبار الشعراء والادباء العرب
جريدة لنشر كل اخبار الشعراء والادباء واجمل ما كتبت اقلامهم رئيس مجلس الادارة ورئيس التحرير الشاعر / خالد بدوى »
ابحث
تسجيل الدخول
عدد زيارات الموقع
90,267