الكاتب عبدالله الشريفي غزل مجنون

غزل مجنون
عبدالله الشريفي
شعر شعبي عراقي ,

شكتبلك شـعـر .. يا غـزل مجنون
يـا عـيـن الـمـهـا ومـطلع هـلالي
وك نـورك بـِزغ ومـنـور الـكـون
هَـل قـوس وقـزح : شع بالأعالي
يلْ .. عينك جريمة تطلع شلون ؟
كون بـهـيـدة تـِمشي مو تعالي
محضور : ومسيرك يعني أفيون
إنتحاري وإنـفـجر بـين الأهالي
أظن إنتَ سبب فتحة الأوزون
غازلـت السِـمة بـنظـرة تسالي
معاليك حـضـر صـارت مراثون
شِفت الـنـاس تركـض لا أبالي
خف جدم الرزن ما عاد موزون
دكـتـلك هـجـع حتى المـلالي
وك كلبي دِمه وسلهمت العيون
واعاني من ضغط حاد إنفعالي
يا راوي بكـُثـُر ما بالـغ اللون
محفوف وسوي وسامي ومثالي
سُبحان الخِلق والسوة لِـمتـون
ثـُريـة وصــورك نـجـم الليالي