جارى التحميل
استخدم زر ESC أو رجوع للعودة
كل الحروف أتلجمت قدام هوانا
نفسى اكتبلك قصيده
تشبهك
توصف ملامحك
تشبه بياض روحك
وتظهر الطيبه اللى بتفوح من جوارحك
رعشة عينيك
وانتفاض قلبك
لما بيشعر بالالم
جاى من بعيييييد
علشان يزور روحى
كل الحروف
عامله مظاهرة عشق
جوه منى
والنقط
داخله ف سباق
مين اللى يقدر يترسم
فوق صفحة الاحلام
أو يكشف
سر الخط الواصل
بين مشاعرنا
علشان كده
كل الحروف اتلجمت
قدام هوانا
مع تحيات جريدة أخبار نجوم الأدب و الشعر
رئيس مجلس الإدارة ورئيس التحرير الشاعر / خالد بدوي