‏ماهر أبو المعاطى‏

مين السبب
.................
مين السبب ومين اللى خان
مين الشجاع فى المعركة ومين جبان
مين القاتل واللى انقتل تاهت فى عينى الألوان.....
..........................
مش دى برضو المشكلة .. المعضلة
كل يوم دم مصرى يروى أراضينا الحزينة
كل يوم الضلمة نور والنور فى عتمة
وإيدين تخون فى إيد أمينة ...
....................
كل يوم أحضن فى ورقى باستماتة
أستنى قلبى يدلن بفكرة قصيدة
وكل فكرة تبتدى كخيال مآتة
وتسيب مكانها لفكرة مولودة وجديدة ...
....................................
مالطلقة أشرع من القلم
والقوة أبقى من الــنــغم
والآه تصرخ وحيدة لميت ألم
مين اللى ظالم فى القضية ومين ظلم....
.......................
صاحب الكرسى الكبير حلف يحمى الدم ويصون الكرامة
ولا سيده المرشد فى الوصايا أخبره
إياك تقرر من غير ماتشوف العلامة
زى يويو والخيط عناد
يتحرك بكلمة من مكتب الإرشاد
إن كنت سيده يكفاه .. الشعب ساد
وأنت وجماعتك مع السلامة..
.................................
بهية واقفة فى الميدان بتبيع شعرها
مين فينا جدددددع يقدر ويدفع مهرها
مين فى تارخنا المُعاصر
زيك يا عبد الناصررررررر
مهما البيبان تتحاصر
مين اللى هيهدها
زعيم وقد القول
يقول كمان وينول
يقف فى وش الغول
وكرامته ما يهزها
مش يجى يوم هلفوت
يقولها بعلو الصــــوت
زمن الزعيم هيموت
لا كنت ولا قدها
بص لحال العباد
وخراب سكن البلاد
وركود فى الإقتصاد
ومشاكل قوم حِلها
رجٌع الأمن اللى غاب
كفاية ذل وعذاااااااب
دا بلدنا صبحت خراب
قعدتم على تلها......
.....................................
قدرك يا مصرى كل يوم شهيد جديد
مين اللى باع دم الولاد
فى السويس ورسعيد
مين اللى خلى فى كل بيت دموع فراق
على روح شهيد
مين اللى عاش دور الزعيم غبى وعنيد
إياك تفكر فى النهاردة بكرة جاى مش بعيد .....
................................
شعر / ماهر أبوالمعاطى