‏‎Nooreldeen Hakem‎‏

( حدوتة من مصرى )
(1)
من مصرى لا يعرف تمرُد ولاتجرُد
يهمّنى بلدنا زعيمة بحق وتفرُد
حكاية بلد من آلاف سنين بمعبد
قبل خلق كانوا فى حالة تشرُد
حضارة وغيرها فى كهوف بيرقُد
ليه ؟ يابنى تحارب أخيك وتعنِد
هوّه كرسى خلاّنا نكره ونعنِد
طب صل ِ على عليك ح يشهد
ـــــــ
نيجى إيه جنب واحد داق سِجن
ولا وِاقف فاتح صدره لعربية أمن
وثورة لعايش على عيش بِجبْن
وستْره بيت من طوب وطين وتِبن
وميّه بمجارى وعشاه بيكمّله حِزن
ولحمة بعيد وزكاة بتعفف ووهن
ـــــ
واللى دفعوا بمزّة كافيار وسيجار
وزير وأمين أأتمنوه على جامعة ودار
و مرتبه موش مصرى بدينار ودولار
الكرسى خلاّه بيلهث وراه أمتار
الرُكب سايبة ودايخ وعنده دوار
يبقى ليه؟ يجرى ورا حلم مِنهار
كان أولى ينهى حياته عبادة غفّار
والكراسى زايلة واسأل مبارك جبّار
ــــــ
نورالدين حاكم