لمسة عتاب
أنا يجماعة ححكلكوا حكايتى مع نقابتى العامة أنا مدرس غلبان زى باقى المعلمين لما شوفنا الثورة قولنا يامنتا كريم يارب وقولنا فيه تغير وأصبح لنا نقابه بحق وحقيقى وتقدمت للترشيح للعضوية وقدمت أوراقى وأنا مبتسم وبص لى مندوب اللجنة وقالى ( طلبك مرفوض ياسيد أوراقك ناقصة ) ابتسمت ابتسامة ليس لها رحيق وقلت له ناقصة إيه يابيه . رد عليا وقالى كارنيه النقابه ياأفندى . قلت له هو أنا مش مدرس وأوراقى بتقول أننى مدرس وأسدد النقابة .. رد عليا وقال طلبك مرفوض ياسيد قلت له وأجيبه منين . قالى من مصر ياسيد غيره عايزين نشوف شغلنا مع السلامة فوت علينا بكره .. قلت ياواد ماشى أروح مصر وبالمرة أشوف التحرير والحزب الوطنى المحروق على الكورنيش وبالمرة أزور السيدة . وركبت ورحت القاهرة وسألت أروح ميدان الأوبرا الزاى قلولى ولاد الحلال أركب المترو حتوصل ويدوب ركبت الميترو وبدأت أسرق بعض النظرات وفاتح فمى وسعيد برؤية المترو وخرجت الأبرا لقيت النقابه العامة أمامى ودخلت منبهر من المكان وصالاته وتقدمت بطلبى للحصول على الكارنيه رد عليا البيه المسئول ناقص ختم الفرعية فوت علينا بكرة وجالى إحباط وقلت لنفسى هو أنا معايا كام خمسين جنية عشان أروح مصر وبعد محاولات قبل الأوراق من مجموعة وأنا منهم وطلع الكارنيه ورجعت تانى من غير ماشفت مصر ولكنى كنت سعيدا وتقدمت بأوراقى وعدت الحكاية الاولى
الحكاية لسة منتهتش عندما عرف بعض المقربين أننى استخرجت الكارنيه طلبوا من أن أذهب لعمل كارنيهات لهم قلت ماشى أهى خدمة عشان يعطونى صوتهم وذهبت تانى القاهرة ونفس خط السير ودخلت على الموظف وتقدمت بعمل ثلاث كارنيهات بص لى الموظف من تحت النظارة وقالى طلبك مرفوض ياسيد قلت له ليه يابيه أنا مسدد لهم . قالى ممنوع يأفندى لازم صاحب الشأن انتوا عملتوها تجارة ولاإيه قلت له أننى بخدمهم بس ومسكت أعصابى ولاكننى احتفظت بحق الرد وحاولت معه مرارا بكل السبل دون جدوى . وقررت أن أزيد من نبرة طلبى فى حدود اللباقة وقلت له ( أنا لست فى مصلحة حكومية هذه نقابتى التى من المفترض أن تحل مشاكلنا وتسمع لنا وصمم على رأية واتخذت القرار الفورى أننى لن أغادر المكان حتى أقابل الامين العام نقيب المعلمين وأنا فى داخلى يتحرك حق الرد حتى فى وجه النقيب لورفض طلبى وصممت وجلست أربع ساعات فى انتظاره حتى الساعة السابعة ونصف مساءا وأنا فى رأسى سيناريو معين يصل إلى قسم الشرطه .. وحضر النقيب وذهبت للسكارتارية لطلب مقابلته وقالى الكرتير أحكيلى وأنا أقوله رفضت وصممت على لقاءه وتحينت الفرصة ودخلت عليه وعرفته بنفسى وقلت له ( أنا مرشح للجنة النقابية يرضيك أروح وأقول لهم مش عارف أطلع كارنيه امال حخدمهم الزاى وشكلى يبقى أيه ) ابتسم النقيب وقال ياعنى الثلاثة دول حينجحوك قلت له أيوة أنا عادد الأصوات ونقصنى ثلاثة فزادت ضحكته ورفع التليفون وطلب الموظف وقاله حيجيلك عضو نشط أعمله الكارنيهات فورا وتنفست الصعداء وبالفعل استخرجت الكارنيهات
نهايه الكلام عايزين تغيير فى طريقة التعامل والقضاء على مركزية القرار ولابد من القضاء على البيروقراطية فى النقابة حتى نحس أنها نقابه خدمية لاحكومية مش كده ولاأيه
مدير الموقع .... رفعت إسماعيل
ساحة النقاش