((ألف حاجه))
نفسي اقولك ألف حاجه بس آه لو تفهميني
نفسي ادمع جوه حضنك من همومي تخرجيني
ولما تحسي اني ناسيكي تجري بيكي تفكريني
مش تروحي تبعديني تظلميني..تجرحيني
آه لو تعرفي حبيبتي إني ليكي بعيش سنيني
آه لو تعرفي م شايف بس غيرك جوه عيني
ليه تتسرعي وتحكمي عليا من ظنونك
ليه حبيبتي دانا عمري لحظه ما فكرت اخونك
كل همك كان معايا إني شايف حد غيرك
وانتي عارفه اني بحبك حتى واسألي ضميرك
ريحي قلبك حبيبتي دانتي ساكنه جوه مني
وانشغالي بس عنك حاجه كانت غصب عني
مستعده ترجعيلي ولا كان آخر قرار
إنك تبعدي حبيبتي وتسيبيني اعيش ف نار
وتسيبيني اعيش ف بعدك ياحبيبتي يا ملاكي
يرضي قلبك ان قلبي تحرميه من يوم لؤاكي؟
