فى وجودك بقلم الشاعر / عونى هشام

ساعة

فى وجودك (( غنائية ))
============ بقلم عونى هشام
فى وجودك
يعدى الليل
كأنه نهار
لا عندى فكر
ولا باحتار
ولا مشغول
بافكارى
فى يوم بكرا
وبانسى
الماضى والحاضر
وشوقى معاك
فى الذكرى
اسوف همسك
مع لمسك
يشعلل قلبى
جمر ونار
دا فى وجود
-----------------
وفى وجودك
حروفى
احسها اشعار
اعيش الجنه
وانسى النار
واغزل فيك واتغزل
وشَعرك
اعمله اوتار
ومن اسمك
اشوف رسمك
واتغنى واتهنى
واحلم بيك
ليل ونهار
دا فى وجود
--------------
وفى وجودك
انسى كلمة اه
تسمَعنى
اقول الله
وحب حقيقى
يجمعنا
وكل الناس
تعيش معنا
على الحان
بشوق وحنان
وعزف كمان
ودقات القلوب فينا
تزيد بكمان
نعيش الحب
كل الحب
مفيش حرمان
دا فى وجودك
-----------------
وفى وجودك
لا يوم كان فينا
جزر ومد
وعمر ما كان
مابينا حد
لا مانع
ولا فيه سد
تشد ايديا
اشدك شد
لاحضنانى
واعيش وياك
فى وجدانى
تسقينى
غذاء الروح
وخطاوينا
فى هواك بتروح
وانا وياك
يا روح قلبى
لا شفت جراح
ولا حسيت
فى يوم مجروح
دا فى وجودك-
=========
فى\\\ عونى هشام\\\
حقوق النشر محفوظة