وسافر بقلم الشاعرة / عبير الصاوى

Abeer El Essawi

....... وسافر ....................
وسافر ولملم جروحك معاك
وأوعى تسبلي حنينك وراك
وخد كل حاجة تفكرني بيك
كلامك .. سكوتك
و صورتك و صوتك
و لمسة كفوفك
نظرة عيونك
حلمك و خوفك
و حتى هواك
ويارب أنسى
حلاوة لقاك
عشقتك بروحي
وهمي و جروحي
وما لي سواك
سافر ولملم جروحك معاك .....
هنا لسه ذكرى
هنا لسه لمسة
وكلمة وهمسة
وآه ماللي سبته
في حضني وراك
سافر ولملم جروحك معاك .....
أنا مش حعاتبك
ومش حنسى جرحك
أنا مش مسامحك
أنا مش ملاك
وسافر ولملم جروحك معاك ............