وقدرت تبعد يآ قلبي عني وتقسي 
وللقلب اللي حبك تظلم وتنسي
ليه تغيب وتبيع حب زيه ماگان
عآيش في قلبي وقلبك بقاله زمآن 
وتعذب قلب شاريك وبيسأل عليك
وهآن عليك تبيع ود گان جناين حب ليك
ليه ياظالم تبقي قآسي
وليه تغيب وتبقي نآسي 
مش كفايه عليا ليالي الغربه اللي كانت بتظلمني
وانت عارف قد إيه گان صبري عليها بيألمني 
وهآن عليك بعد عشرة سنين تنسآني وتهجرني
طب مين بعدك. هيداوي جرحي وألمي 
وانت الحبيب اللي ضيعت حلمي وأملي
**************************
فاكر ولا ناسي ياظالم وقاسي
لما قولت مسافر علشانك يآحبيبتي
نفسي أهنيكي واجيب نجوم السمآ ليكي انتي 
ياما معايا تعبتي وسنين كتيره اتحملتي
سافرت غصب عني وگان صعب بعادك 
وحافظت علي بيتك وكمان ولادك
لكن ياخساره وندآمه المآل والغربه غيروك 
وقلبك رآح للي أيام زمآن بآعوك وحيروك
وبعد ماكنت ناوي تعوضنا وتهنينا معاك 
يآخساره خدوك وضيعوك 
وضيعت شبابي معاك وصبري رآح
وقتلت الشوق جوآيا وزودت فيآ الجرآح 
واعمل إيه في ذكريآت عمري وتضحيآتي ومُرّْيِ
سرقت شوقي وحنيني مني
وزودت أهآتي ودموعي
ونسيت كل حاجه حلوه گانت بيني وبينك يآغدآر 
ومن غير ندم تروح لغيري 
ومن غير حتي أعذآر
ليه تزود ألمي وحسرتي وأعيش في ندم ونار
حرمت نفسي وانت غايب واقول بكره ييجي الحبيب يعوضني
ولما جيت دبحت قلبي وخونت عشرتي يارب صبرني 
**************************
نفسي أعرف قبل مااكرهك واكره شيء إسمه الوفآ 
قِلِّة أصل هيٰ ولآ نزوه وهتروح لحالها 
ولاَّ هترجعلي تآني ندمآن وهقدر أنسي أيامها
ولا انكتب عليآ الويل والمرآر
وهيفضل الندم معذبني في بُعدك
وهعيش محرومه العمر كله من نعيم قربك
وليه تخلي اللآيمين يقولولي كلام يجرحوني بيه
ويجوني كل يوم يعيدولي فيه
عايزين يخلوني انساك واكرهك يآ أكبر غدآر وأناني
ولو نسيتك هعمل لقلبي إيه 
حتي لو ظلمتني ونويت تنساني
فاكرين بإيدي هقدر اكرهك
وهتعلم القسيه عشان جفاك
ومهما گان صبري إزاي هقدر أنسي حبك
ولو قاسيت علي قلبي وقدرت أنساك
إزاي هقدر أنسي ايام عشرتي معاك
كنت راضيه بيها علي قد الحال وكانت جنه وياك
حبيت الدنيا وأيام عمري وفرحت بيها
لما حبيتك وعشقتك ياللي كنت اول حب فيها
وازاي هقدر انسي معاني جميله معاك عشتها
بس غدرك وظلمك خلاَّني كِرهتها
**************************
معاني واحلام ورديه رسمتهالي 
وجنه جميله ياما صورتهالي 
حتي الورد اللي بإيدك زرعتهولي
بعد مآ فتح دبل كله علشاني 
روح يآ غدآر الله يسامحك
ويسامح اللي خدوك مني وطمعآنين
وخلوك تنساني وتنسي كمان ولآدك
وتنسي معانا عشرة سنين
وبكره تندم لما تروح فلوسك 
هيبعوك زي مابعتنا رخيص ياللي كنت غالي
ونفس الغدر والمُرّْ كاسات هيشربوهولك 
زي نفس الغدر والمر اللي شربتهولي