الدنيا دواره يا أوروبا 
وربيعنا العربى جالكم شتا 
ياما قلنالكم بالراحه حبه 
دا جيوبنا فاضيه متقشطا 
والإنسان هوا الإنسان 
لابس طاقيه أو برنيطه
قلتوا لأ .. دا العربى جبان
أديكوا لبستوا فى الحيطه
إلحقى يا ماريكا دا بيحرقوا
أيوه يا جون . أو ماى جد
وبينهبوا .. وبيسرقوا
ياريتنا رحمنا العرب بجد
الله يرحم نابليون 
والأخ مينو وكليبر
جم عندنا دقونا بالهون
وسرقوا بلدنا يا شحيبر
ياعم سام حروبنا خلصت 
والسلاح مش جايب همه
وبيع البارود فلوسو خست
شوفلك غيرنا تمص فدمه
دا كاس وداير ياخوانا
بيلف ويرجع لصحابه
واللى غدر بينا وخانا
ربيعنا خبط على بابه
وهيا هيا بتاعنا زمان
حتى اسألوا كل السفرا 
كل الحكايه تبديل قمصان 
كانت حمرا بقت صفرا