ياما اديتك حب كبير...وإنت لقلبي ظلمت كتير
ولمآ إديت من غير تفكير...عاش من يومها قلبي أسير
إتمنيتك تبقالي أمير...وانت عنيك شيفاني أجير
ياما طلبت تِحِنّْ عَليا...وتمسح إيدك دمع عنيآ
كنت أشتقللك وإنت معآيا..وانت تقيد النآر جوايآ
يآما بكيت لما تغيب...وإنت تعاند وأقول ده حبيب
كنت اتمني تبقي قريب...وماتحسسني إني غريب
كُنتّْ أنادي وأقول ياأحباب...وانت تِرُدّْ بِلُومْ وعتآب
كُنت بَفَصَصّْ بإيدي وأقَشَّرّْ..وإنت في وِشّْيِ كُنّْتْ تِكَشَّرّْ
ولما أديلك لُّقمه فِي بُوقَكّْ...كُنتّْ بِتِسّْخَرّْ وِتّْدَوَرّْ وِشَكّْ
كنت باجيب الورد ف عيدك...وانت ماتمسح دمعي بإيدك
حتي ف عيدي ماشافت عيني..غير القسوه ف نظرة عينك
وگان مايهمك لو تجرحني...وتعذبني ماتفرحني
كنت بشوف اللُّوم فعنيك...لما أشوفكّْ واْجري عليك
هو يعني عشان حبيتك...بِتّْعَامِلني جاريه في بيتك
ولا عشان طيبتي معاك...تِطّْمَعّْ فيآ وتزيد في أساك
ودايماً ناسي يابن الناس..إنّْ أنَآ إنسانه مليانه إحساس
كنت أتمني الحب أساس..مش محتاجه لا مال ولا ماس
يآما إتحمل قلبي منك..ويآما شاف الويل من حبك
فرق كبير بيني وبينك..فقلبي حنان وقسوه فقلبك
فين الحب اللي اتصورته...وإتمنيتُه يوم ماعِرفتُه
وبعد ماكان جنه رَسَمّْتُه...قسوة قلبك خَلَّتّْني كِرِهّْتُه
خَلِّيتّْنِيِ أعيش الحُبّْ خَيآل...لما لقيتك مش ميآل
ولما عليآ صُعبّْ الحال...كانت العِيشه بينا مُحال
كفآيه مرآر وعذآب للبال..دا الحب إحساس مش بس أفعال
ولما تلاقي حب جديد...هتمنالك تبقي سعيد
ولما هتبقي عني بعيد...هيبقي فراقنا كإنه عيد
وهدعي ربي يجبلي حبيب..ميخليش الحب أوهام
ومهما گان الحب نصيب..بنرسم دايماً له أحلام