باْصرخ
بس مش راضي
اْعلي الصرخة ع الفاضي
علشان حد مايسمعهاش
ومايطبطبش على جرحي
وحد اْد ماهو عاش
مابيكرهش غبر فرحي
وعشان دي دنيا ماتسواش
وفيها الكل بيطاطي
باْصرخ
بس مش راضي
اْعلي الصرخة ع الفاضي
-
صحيح الدنيا خاينة
وبتيجي ع المسكين
ولا الناس علموها
تجرح في الطيبين
زي الشمس باينة
شمال غالب يمين
والرحمة بيمنعوها
عن كل المحتاجين
-
باْصرخ
بس جوايا
باْسمع نفسي وكفايا
اْشوف الفرحة ويايا
مالهاش نصيب ومكان
باْصرخ
والوجع سامع
الظلم طيران ومدافع
ماحدش فيها بيدافع
والضرب في المليان