لما كُنا صُغيرين / كُنا نلعب كُنا نمرح
مُش بنحسب ف السنين /كُنا ببراءه بنسرح
ايد فى ايد / بنت وولد
كان لُقانا كأنه عيد / اعياد كتير بدون عدد
والفرحه نقسمها سوى / كُنا كالعصافير نطير
والضحكه ترقص فى الهوى / وقلوبنا ماتعرف تغير
بين الطبيعه وسط الزهور / كُنا نخاف على بعضنا
عايشين فى دُنيا من السرور / كان الوفاء من طبعنا
أيام تدور واحنا معاها / والناس طباعها اتغيرت
نمشى فى دُنيا على هواها / ارواحنا بيها اتأثرت
اشتاقنا والله للطفوله / وحشتنا أيام الصبا
يادُنيا ليه انتى عجوله / فى زماننا كُنتى طيبه
ماعاد حبيب يوفى لحبيب / وألحب اصبح بالكلام
ياقلبى محتاج لك طبيب / يزرع ف جنباتك غرام
والدمعه مخلوطه بأنين / والحُضن مشتاق للحنين
وحشتنى لمسات الايدين / لما كُنا صُغيرين