يارب جازى كل نازى
غللا علينا أكلنا
ودخله فى النار يحازى 
مع اللى حرقوا دمنا 
غلوا البطاطس والطماطم 
خلوا لون حياتنا قاتم
والغم بان على وشنا
فى اليوم يضاف أربع أضعاف
بيعلمونا ازاى نخاف
وازاى نكتم فى قلبنا
م البياعين والطماعين 
شكينا لرب العالمين 
يا رب مفيش غيرك لنا
إحنا الغلابه مفيش هبابه
هنعيش منين بس يابا
والناس دي شافطه دمنا
يوم بعد يوم بنقوم م النوم
الهم فوق راسنا بالكوم
وكل زياده على قلبنا
حتى الخضار بقى سعرو نار
وكل يوم نسمع أعذار
معادتش داخله عقلنا
سيبنالكوا اللحمه وقلنا الرحمه
دخلتوا علينا فوسط الزحمه
خدتوا الخضار من بقنا
متفوقى ياحكومه بلاش النومه
شكلك كدا عندك عزومه
سايبانا ليه مع نفسنا