وآاه ياويلي من الحب آاه. وآاه منه ياغلبي
وحبيبي خطف روحي مني. حتي عقلي وقلبي
كانت حياتي قبل منه مليانه بالأآاهات والأنين
دوبني في هواه ودي الوقتي كاويني الشوق والحنين
إيه الدوا لروحي وقلبي يخفف عليا عذابي الكتير
وايه الدوا لعقلي يخليني انسي ولو ثواني من غير تفكير
دانا من كتر حبي ليه حتي القمر مني عليه بيغير
اوعاك ياقلبي تِكل أو تِمل من الحب أو تتعب أو تنهار
ولاَّ تحتار نبضاتك من كتر الحب وليالي السهر
ماهو انت وانا ياما عانينا من قسوة الأيام وظلم كتير من البشر
وجانا الحبيب اللي يهنينا ويعوضنا وينسينا العذاب
وطال الإنتظار وسنين سهران 
انا وخيالي وطيف رسمته ليه وقت الغياب
تصور ياحبيبي كنت دايماً حاسس إن قلبي عامل زي السحاب
مليان بالأحاسيس والحب والغرام مستنيك تيجي علشان كلها ليك
وكنت ليك كتير مشتاق وكاويني حبك ومشغول عليك
انت ايه اللي عملته ياحبيب قلبي فيا
خليت قلبي نهر حب وغرام ومليان بالحنيه
ونفسي اسقهولك بقلبي وبشفايفي وكمان عنيآ
آااه يااقلبي آااه من الحب وعمايله فيك وفيا
جنني بالنهار وسهرني في كل لياليا
تعالي ياقلبي نعلمه الحب والغرام اللي ماسمع عنه ولا يعرفوا
غير قلوب زي النسيم في رقتها دوبها الهوا وبجنون بيعشقوا
وآه من قلوب قاسيه وزي الحجر مهما راح الحب ليهم مابيتغيروا
تعالي ياشوق نروح نخليه يشتاق ونسهره الليالي
وتعالي ياهوا ندوبه ونعرفه انه مهما كان حبه بالنسبه لينا يبقي خالي
وتعالي ياغرام نهنيه ونسعده ونطير النوم من عينوا ونتوبوا
وزي ماكوانا بنار غيابه سنين نسقيه حلاوة عشقنا ونجننوا
ونقولوا علي قد ماكان غيابه قاسي علينا
كل ثانيه من عذابه هنعوضها بليلة غرام يادوب تشفينا
وعمرنا ماراح نشوف تاني قسيه ومن النهارده مفيش غير الحنيه تروينا
ماانت ليا وانا ليك وبعمري وحياتي ياحبيبي افديك
ياحته من قلبي وضي عني وننها انا كلي ليك
الناس حوالينا تايهه في الدنيا وبسهر ليالي الحب مامتونسه
دا الحب كهربا ونار في قلوبنا ومن صُغرنا متأسسه
واعمل ايه ياربي وانتي اللي كده خلقتني
قلبي مليان حب وغرام وحنيه وفالعشق مش لاقي اللي بشقاوته يهدني