يجعل كلامنا خفيف عليهم
عفاريت الإنس المخفيه 
مهو كل حاجه فإديهم
يقطعوا عنا النور والميه
- معدناش بنحضر عفاريت 
هيا اللى خلاص بتحضرنا
نسمع عفريت بيقول ياريت
أصاحب إنسى وييجى دارنا 
- أجدع عفريت غلبناه
وبقينا ليه مثل أعلى
بقى كل طموحه ومناه
يصبح إنسان يكبر يعلا
- ولقينا بنت شمهورش
مريضه بالمرض النفسى
عرسانها تروح مبتعودش
قالوا اللى عليها واحد إنسى
- شيخ العفاريت بيطلعنا
من العفريته التعبانه
ويشخط فينا ويسمعنا
سيبها يا إنسان دى غلبانه
- عفريت عمال بيتنطط
وعامل دوشه كتير ف الدار
بيقولوا عليه دا متربط
واللى عليه إنسان مكار
- ظبطوا عفريت لقوه فاسد 
جم يسألوه عمل مجنون 
قال دنا عفريت ومش قاصد
ومش إنسان علشان ابخون
- أصبح الجان بيخاوى إنسان
يتعلم منو ويتفطم
ويقولو أبوس يدك يا مان
ساعدنى انا عايش متلطم