ياسطى نجاتى متحطش واطى
إحنا مش البلد اللى يطاطى
هنخضر كل الأرض البور
وهنزرعها غلال وزهور 
وهنبنى صوامع ومعاها مصانع
ومعانا البنا وفينا الصانع
هنقوم وندوس على كل جراحنا
هيشوف العالم منا كفاحنا
هنعيد أمجاد أحمس ومينا
ونكتب فى التاريخ أسامينا
نعمر صحارينا شبر بشبر
ونعلم غيرنا ازاى الصبر
نكتب قصة أمه وقامت
بعد سنين نعست أو نامت
منا العقول .. منا العلماء
منا رافعين شأن الجهلاء
منا سواعد رافعه شانهم
منا كمان ضحوا علشانهم
المصرى دا فرعون مش عادى 
وياما بصدرو صد أعادى
ياسطى نجاتى متحطش واطى
إحنا مش البلد اللى يطاطى