دموع عيني نار علي خدي بتجري عليه ليلاتي
لَّمآ حبيبي وحبيب قلبي باع حبي وهوايآ وسابني أنآ وأهآتي
وانت ياقلبي لسه ليه شاريه وهو بايعك
ماقَدَرّْ سنين الصبر والوفا لما كان غايب وسايبك
ومش فاكرلك ياقلبي ولا ليله من لياليك
نسي الوداد والحنيه لما گان قلبه حنين عليك وشاريك
وبعد ماكان القمر منور دايماً ليالينا إيه غيره وقساه عليك
كفايه ياقلبي ندم عليه حطم مشاعرك ونسي عشرتك وبان علي أصله
ونسي ان احنا ياما صبرنا علي فَقّْره واتحملنا غيابه
وطلع غدار ياقلبي وإتغير لما كِتر في ايديه ماله
لآف علي غيرك واتسبب في جرحك ولا هَمه
بكره يندم والزمن ح يعلموا لماَّ تسيبوا وكل واحد يروح لحاله
خليه يجرب قلب غيرك ياقلبي ويتعذب في حبه و غرامه
وإتعلم ياقلبي القسيه مدام غدر بيك 
وقلبه القاسي ظلمك وقِسي عليك 
ونسي كل الحنيه اللي كانت ياقلبي فيك
واوعي ترجعله تاني ولا تفكر فيه ولا تخليه يشوف الشوق في عنيك
مدام نسي الحنيه والود اللي كان طول سنين العشره معاه
راح يعاني الويل لما يشوفك ناسيه
ومش بتفكر تاني ياقلبي فيه
وناسي كمان حبه وهواه
واوعي ياقلبي يوم من الأيام تحن ليه ولآ لحبه تاني
ولا تفتكرله أو تفكر في لياليه بعد ماطلع أناني
ولو جالك ياقلبي واشتكي وحكي لاتسمع منه ولا تتأثر بحكاويه
مدام قلبه مال لغيرك إفتكر ياقلبي بكره الندم علينا راح يكويه
علشان زي حنيتك وحنيتي ودفيٰ حضني ماراح يلاقيه
هو الخسران ياقلبي وهدي نفسك شويه وانساه وخلي العين ترتاح وتنام
وانسي اللي كان بينك وبينه طلع كله كلام وأوهام
وعيش ياقلبي حياتك ومن غير ألم إنساه
وانسي كل الأحلام اللي كانت أماني كدابه معاه
وياموج البحر ويانجوم السما إشهدوا عليآ وعليه
مااحنا ياما جينا علي شط بحرك لما گان هيمان فيآ وهيمانه فيه
غدر بيآ وبيك الغدار ياقلبي ونسي كل وعوده
ياما وعدني وانتوا شاهدين عليه إنه ح يكون مخلص لعهوده
وياما سَمَّعّْنِي كلام في الحب لمآ گان في عز إشتياقه ووداده
قوللي ياموج البحر لييه غدر بيآ واوعاك تخبي أي شيء عليآ 
قلبي اتعلم خلآص منه القسيه
نسيته خلآص زي مانسي كل ايامي ونسي كل لحظه من لحظات الحنيه