قوللِّي ياحبيبي إمته راجع من غربتك وهاعيش في فرحي
وإمته عيوني هتشوف عيونك وتتهني بيها وهانسي جرحي
من يوم سفرك ياحبيبي وغيابك عني وقلبي مايوم فِرِحّْ
وكل ليله لمآ أشوفك مش جنبي يصعب عليآ حالي وقلبي ِيِنّْجِرِحّْ
كان قرار السفر ياحبيبي قاسي كتير عليآ وماخلآ ولآ دمعه في عنيآ
وكل ليله في بعدك من كُتر مراري وإحتياجي بتعدي سنين عليآ
ولما بافتكر حنيتك ونار غرآمك وحلآوته بتقيد نار الشوق فيآ
ويوماتي أصَبَرّْ روحي وأقول حبيبي هو كمان مشتاقلي وبكره هيجيني
والأيام هتضحكلي لماَّ حبيبي يبقي جنبي وبحبه وبغرامه هيهنيني
دي الغربه صعبه وقاسيه عليك وعليآ وعذابها نار ياحبيبي
ودى أول مره تسافر وتغيب عن حضني من يوم مابقيت نصيبك وبقيت نصيبي
مش قادره أصدق ازاي قلبك يطاوعك تسافر وتسيبني هنا وحدي وأيامي ولياليآ أعانيها
وازاي قدرت ياقاسي علي بعد ليالينا
والليله تساوي الدنيا والكنوز اللي فيها
هترجع إمته ياعمري قوللي علشان فاض بيا وروحي فاض بيها
طاوعك قلبك علي ظلمي وفضلت انا وصبري مستنياك انت ولياليك
روحت وسافرت لبعيد وسيبتلي شوقي وحرماني وفكري ليلاتي مشوقني ليك
اه من الشوق وظلمه وآه منه ومن عمايله ده من كتر دمعي جرحلي عيني ياحبيبي وكوالي خدي
حتي وانا في غيابك نايمه بلاقي نفسي باحلم بيك وبلياليك وافضل طول الليل أبكي
وإشتكوا مني قلبي وروحي من كتر سهدي وطول الليالي ووجدي
لمين ياحبيبي عن حبي هاحكي وعن اشتياقي ولوعتي لمين غيرك اشكي
طال انتظاري ليك وحاسه اني من غيرك عايشه في دنيا قاسيه عليآ وحدي
تَعلآلي قوآم ياحبيبي وماتغيب عني تاني مهما كان
كله يهون ياحبيبي ونتحمله ومادمت فحضني وفحضنك هيضحك لينا الزمان
دانا حاسه إني بقالي سنين سهرانه الليل وحدي وماشافت عيوني النوم
هستناك بكل الشوق والحنين تجيني وهواك يعوضني عذاب كل يوم
لامال ولا جاه ياحبيبي بيسعد القلوب دي السعاده في الحب وحده بس بِنَّا يكبر ويدوم