صوابعى عاوزه تكتب 
وعيونى عاوزه تنام 
قلتلها روحى المكتب
وسيبينى للأحلام
وفراسى حاجه بتزن 
وجرس عمال بيرن
تكتك . تكتك . تكتك
حاجه فى دماغى بتفك
إوعى ليكون دبور 
قولو يسكت ويغور
كدا كدا أصلا مش فاضى
مشغول وانا ف الإعدادى
بلعب كوره فى الساحه 
وبجيب اجوان بالراحه
بس المستوى كان هابط
كان أملى أطلع ظابط
إمشى روح من قدامى 
هوا يا ظابط يا حرامى
عقلك يا حبيبى راح فين 
مفيش بين البينين
طب كنت اطلع موظف 
حاجه حلوه كدا وتشرف
شرفت ياعم الميرى 
المكتب فين وسريرى
خليك مربوط بالأرض 
قيسها بالطول والعرض
حصان وعليه السرج
إفتح يا حبيبى الدرج
سلامات ياسى عبد الراضى
بابا ملهوش مقياس 
ساعات كان يرجع فاضى 
وساعات وياه اكياس
يخرب عقلك يا صوابعى 
إنتى نيلتى إيه
عارفه الرغى مش طبعى 
متعودتش عليه