معقول أقدر انساك يابو رمش كحيل
وانا باسهر مشغول بيك طول الليل
معقوله انساك وأنسي عنيك الحلوين
اللي دوبوني انا وكتير م العاشقين
دي عنيك ياحبيبي بحر ماله نهايه
ينكتب فيهم الف حكايه وحكايه
جوه عنيك شايف قمر منور ليلي ومهنيني
وشمس دافيه في ليالي البرد دايماً بتدفيني
وسما صافيه لافيها غيوم ولا فيها سحاب
والبعد عنك ياحبيبي بالنسبالي موت ونار وعذاب
وتقوللي ياحبيبي انا أقدر أبعد عنك أو انساك
ازاي انساك وانت اجمل نغم حسيته في حياتي
وقلبي دايب فيك وليل ونهار عاشق هواك
ومهما قالولي عن الهوي وعذابه وطبعه الغلاب
عمري ماحسيت إلآ بحلاوته وماعملت لعذابه حساب
ومن يوم ماشوفتك ياحبيبي وقابلتك
لا أنا بقدر أستغني يوم أو أبعد فيه عنك
ومهما ساقيتني من حنانك ماراح أشبع العمر منك
واتعلمت أنا وقلبي الخوف ياحبيبي من يومها علشانك
بخاف ييجي يوم واتحرم من حبك ومن حنانك
إوعدني ياحبيبي وطمن قلبي وريح بالي
عمر حبك ليا ماراح يتغير مهما قست علينا الأيام والليالي
وماراح ييجي يوم تبعد عني أوحتي تفارقني
او تزعل مره مني ياحبيبي أو تقسي وتخاصمني
ويا نعيش سوا احباب لآخر أنفاس عمرنا
يانموت سوآ انا وانت وفاءاً لهوانا وحبنا
إوعدني وعاهدني يانهر حب وبحر حنيه
تفضل جنبي وماتغيب يوم ولا لحظه تقسي عليا
علشان لاتحيرني ولاتسهرني ولا تعذبني لما أحنلك
ياللي سرقت احلامي ازاي انام لو بعدت عني واشتقتلك
وعيونك ح تبقي شغلاني ووخداني ليلي ونهاري
حبني ياحبيبي قد ماتقدر ومن شهد حنانك اسقيني
وخليني اندم علي عُمر فات قبل منك وأحزن علي أيامي وسنيني
ياريتني قابلتك من زمان ماكان قلبي شاف عذاب ولآ حرمان
ولا كانت روحي إتألمت من قسوة الأيام وعاشت في أمان