ياحبيبي إزاي أقدر أتحمل عذاب خصامك وهجرك
صعب عليا وإنت حبيبي أتحمل واحس بظلمك وجرحك
ياما إتحملت ياحبيبي وگان غصب عني غيابك وبعدك
وگان بيصعب عليا حالي لما أعاني من عذابي ومراري في حبك
ومن غير حتي ماكنت تعاتبني كنت القاك تعاندني وتخاصمني
وكنت أحس بروحي غايبه مني لما كنت تغيب عني وتهجرني
وياما قلبي تاه مني وعيني تبكي وانت ناسيني والليل كله مسهرني
رغم انك كنت عارف قد إيه حبي ليك وبعدي عنك عذاب وويل
وعارف اني بيك باتنفس أنفاسي وإني أعيش من غيرك مستحيل
نسيت إن قربك كان بينسيني همي ولما تضحكلي كنت بانسي الأآه
وكان بعدك نار بتحرقني ولما ترجعلي كل الألم والعذاب بانساه
إزاي ياقاسي هان عليك تعذبني وروحي وقلبي بين إيديك
آه لو كنت تعرف قد إيه كنت بتألم لما كنت بتحرمني من عنيك
مانت عارف ياحبيبي من غيرك أنا ماقدرش أعيش أو أقسي عليك
ومهما قاسيت عليآ وحرمتني ومهما عانيت من حبك ماقدرش انساك
وكنت كتير بلوم نفسي ازاي بقدر أتحمل منك ظلمك وأساك
وكنت أصبر نفسي وأقول مكتوب عليا أحب قلب مايعرف الحنيه
وجرحت قلبي كتير وگان بيصعب عليه لما هان عليك يابو قلب مليان أسيه
وعشان الحب اللي بينا والعشره الطويله تعالي نبتدي من جديد ونسامح
وقلوبنا تصفي وتصفح ياحبيبي وننسي كل الجروح والألآم ونتصالح