صباح النور عمى مندور
أهلا بالغالى ابن الغالى
نهارك فل وهنا وسرور
تعالالى واحشنى تعالالى
فينك ياولدى من زمان
سنين مروا وما زورتنا
الله يرحم عم سليمان 
أبوك دا والدنا كلنا
تعيش وتفتكر يا عمى
إنتا اللى لينا بعدهم
الله يرحم أبويا وامى
كانوا يحبوك من قلبهم
قومى ياحاجه امو منى
هاتى لمحمود ولدى الغدا
شكرا يا عمى بالهنا
أهل الكرم دايما كدا
مادايم ياولدى غير المعروف
بيخلى صاحبو كأنو أمير
لو تيجى سيرتو بص وشوف
إزاى هيفتكروه بالخير
محدش واخد منها حاجه
غير دعوه حلوه مخلصه
من قلب واحده كانت محتاجه
أو حد فزنقه نخلصه 
طول عمرك وانتا سيد الناس
باعث المحبه فى النفوس
خليتنا نكون عندنا إحساس 
وبنحضن بعضنا ونبوس